شوية نكت

موضوع: شوية نكت الجمعة يوليو 10, 2009 12:43 am

اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش
مرة واحد بيروح بيتة كل يوم سكران قام من النوم الصبح وقال لمراتة انتى يا ولية كل يوم تسيبى نور الحمام منور، مراته ردت عليه اتنيل انت اللي كل يوم بتخش الثلاجة
مرة واحد راح يخطب واحده، باباها قال له بس البنت لسة بتدرس، قال له خلاص اجلها في الفسحه
مرة واحد غبي ابنه قاله انا عاوز موبايل ابوه قاله موافق بس بشرط تركب اخواتك معاك
مرة واحد محشش لقي كنز قال: كويس فاضل الخريطة
فروق بين البطة والوزة 1- تقدر تحلق شعرك زلبطة لكن ماتقدرش تحلقة زلوزة 2- فية رحالة اسمة ابن بطوطة لكن مافيش رحالة اسمة ابن وزوزة 3- تقدر تبلبط في البحر لكن ماتقدرش تبلوز فية 4- كلنا بنتغطى في الشتاء ببطانية لكن مابنتغطاش بوزانية 5- الوزة كانت زمان بطة لكن الشيطان وزها
مره نكته ماشية بتعيط ليه؟؟ عشان واحد ضحك عليها
واحد بخيل قال لابنه : إنجح السنة دي وانا أجبلك كورة .. الولد شد حيله ونجح .. أبوه إشترى له كورة .. وقال له : طب لو نجحت السنة الجاية أنفخها لك
واحد بخيل دخل على ولاده وقعد يزعق بصوت عالى علشان مشغلين المروحه على 3 وهما 2 بس
خروف بيسأل خروف "مر عيدين ومذبوحكش ليه؟" قال اصل انا متسجل في شهاده الميلاد حمار
مرة واحد كان أعد في بت بيقرا كتاب اسمه 'الرجل سيد المنزل' قامت مراته قالت له: إنت مش هتبطل قراية الكتب الخيالية ده؟
مرة واحد قال لمراته: أنا كلمتي في البيت دة زي الساعة. قامت مراته زغرتله، راح قايل: يعني ولا بتقدم ولا بتأخر يا حبيبتي
آخر أعراض انفلوانزا الطيور: - الخوف من النبلة - هز الرقبة بطريقة غير عادية - الشعور بالرغبة فى الطيران - ظهور الريش تحت الإبط - الشعور بالخجل من الديوك
احد بيقول لصاحبه :امبار ح خليت مراتي تركع علي رجليها....قله صحبه ليه؟...قاله كانت بتقولي اطلع من تحت السرير

مرة واحدة بتقول لجوزها: تعالى ودينى المستشفى .. ماما هناك وعندها حالة تسمم ... راح قايلها : لازم عضت لسانها بالغلط

واحد نايم جنب مراته فسمعت صوت، بتقوله يا قوم يا راجل فى حرامى فى الصاله، قالها يا شيخه نامى جنبك سبع، قالتله يا راجل فى حرامى فى اوضه النوم قالها يا شيخه نامى جنبك سبع، وبعدين قالتله يا راجل حرامى شالنى وماشى قالها روحى ماتخفيش سايبة فى البيت سبع

عريس بيقول لعروستة لازم تعرفي ان كلمتي في البيت زي الساعه بصتلو بنظرت غضب...قالها يعني لا بتقدم ولا بتأخر

مرة واحد بيسألوه ايه سر الرومانسية اللى انت فيها مع مراتك على طول؟؟ قال لهم اصل احنا محافظين من زمان على عادة رائعة بنروح نتعشى فى مطعم رومانسى مرتين فى الأسبوع انا يوم التلات وهى يوم الخميس

مرة ندل ماشى مع واحد صاحبه قاله ارهنك على كام ان اللى ماشية مع الراجل هناك دى اسمها فوزية قاله وانت عرفت ازاى قاله اصلها مراتي

لعيب كورة بيسأل مراته إذا كانت خانته قبل كده ولا لا فقالت له : بصراحه (3) مرات بس، الاولى: فاكر لما المدرب ماكنش بيرضى يلعبك وبعدين بقى يلعبك!قالها: طب تاني مره ؟ قالت له: فاكر لما زمايلك ماكانوش بيباصولك الكوره وبعدين بقو يباصولك!! قال لها : طب تالت مره؟؟ قالت له : فاكر الجماهير لما ماكانتش بتشجعك وبعدين كلهم بقو يشجعوك!!!!!

مرة واحد ماكنش بيغير على مراتة فراحت لجارتها وقالتلها جوزى مبيغرش عليا قالت..خدى شبشب ابو حمادة حوتية ع الباب وفعلا حطتة جة جوزها قالها شبشب مين دة قالتلة.. ابو حمادة قالها رجعيهولو ليكون عايز ينزل استغربت وراحت قالت لجارتها ولا عمل حاجة قالتلها خدى بدلة ابو حمادة حوتيها ع السرير شافها جوزها وقالها رجعيها لابو حمادة راحت لجارتها وقالتلها خدى ابو حمادة نفسة حتية فى الدولاب فلما جية جوزها قالتلة انا عايزة اشترى فستان قالها منا لسة جايبلك فستان قالتلة طب تعالى نعد ، فتح الدولاب وقالها أدي 1-2-3 تعالى كدة يا ابو حمادة شوية -4-5 ...

واحد قابل صاحبه وقاله الحق مراتك بتخونك فى الغابة فراح جوزها جرى بسرعه ولما رجع صحبه سأله عمل ايه فرد عليه وقاله يا أخى الناس دى بتهول اوى شجرتين ويقولوا غابة
واحد بخيل دخل الحمام ومرضيش يطلع عشان كان مكتوب على الباب ادفع
10 صعايده بيتعلموا ربط الكرافتة 6 ماتوا و 4 في حاله حرجه.
واحد مخنوق من نفسه اوى ودبانه عماله تلف حواليه راح
ماسكها وقطع جناحتها وقالها قضيها مشى بقه
مره طيار معاه مجانين عملين دوشه فقال للمساعد بتاعه روح سكتهم بعد شويه مسمعلهمش صوت فقال للمساعد عملت فيهم ايه قاله فتحتلهم الباب يلعبوا بره
مرة واحد صعيدى اشترى بطيخة وروح وهوا مروح طالع على السلم لقة واحد نازل اقرع قالة: فال اللة ولا فالك
مرة قرد وقف ادام المرايا وبص لنفسة لقى ان ودنة مقطوعة راح قايل
ياخصارة الحلو ميكملش
مرة واحد سكران قابل واحد سودانى لابس جلابية بيضا قال انا اول مرة اشوف تلاجه موتورها فوق
مرة واحد راح يحلق دقنة عند مجنون وهو ميعرفش انه مجنون راح المجنون قالة عايز ودنك دى افتكرة بيهزر وقالة لا راح قطعها ورماها فى الشارع راح قالة عايز التانية قالة ايوة راح قطعها وادهالو
مره صعيدي خلف سبع عيال راح غير اسمه وخلاه سفن اب
مرة واحد خاطب واحده بيقولها لما ازمر لك تنزلى قالت له
ليه انت جبت عربيه ؟؟ قال لها :لا جبت زماره
ندل بيوصي عياله يكونوا في الحياة أندل منه ، تعب وهو في غرفة الإنعاش جت روحه تطلع وعاوز يودعهم قام واحد من عياله قفل بقه
مرة طيارة طايرة فى الجو وبعدين شويه كده والطيارة اعدت تتهز تتهز والطيار قال ياجماعه الطيارة هاتقع علشان الوزن تقيل ممكن تلاته من الركاب يضحوا بنفسهم علشان الباقى يعيش قام الامريكى وفتح الباب وقال امريكا رمز الحريه ورمى نفسه قام بعده الفرنساوى وقال فرنسا رمز التضحيه ورمى نفسه قام الصعيدى بعدهم وفتح الباب وقال مصر رمز الفهلوة ....... وراح رامى المضيفه
مرة واحدة قالت لابنها روح بارك لخالتك علشان هي ولدت ولد بس من غير ودان واوعي تجرحها بكلمة او تجيب لها سيرة عن ودان ابنها قالها ماشي وراح الواد لخالته يباركلها علي مولودها فبيقول لخالته علي فكرة يا خالتو اكليه جزر كتير علشان الجزر مفيد للنظر قالتله خالته مش مهم حتي لو نظرة ضعف اعملة نظارة قالها المشكلة مش في النظارة المشكلة حيعلقها فين

مره واحد سرق فرخه وراح عند البحر نضفها وكلها جه الضابط وقاله انت سرقت الفرخه قاله لا يا باشا قاله الضابط والريش ده؟ قاله دى نزلت تستحمى و قالتلى اخلى بالى من الهدوم
واحد غبي طلع برج القاهرة في اخر دور وبص على الناس تحت لقاهم صغيرين جدا وركز على واحد منهم وكلما كان ينزل دور كان يلاقي حجمه يكبر حتى وصل للدور الارضي راح للراجل وحضنه وسلم عليه فساله الراجل انت تعرفني قال له طبعا يا راجل ده انا اعرفك من وانت صغير قوي
مرة واحدة قالت لزوجها اليوم بصيت لنفسى فى المراية لقيت نفسى قمر14 تفتكر كده غرور قالها لأ غرور ايه ده كدة يبقى عمى
فى مرة اثنين فشارين قوي قاعدين امام الاهرمات الاول قال للثانى تعرف الهرم ده اهلي هما اللى بانوة فالتانى قاله تعرف البحر الميت قاله اه قاله اخواتى هما اللى قتلوه
مرة واحد راح يخطب واحده، باباها قال له بس البنت لسة بتدرس، قال له خلاص اجلها في الفسحه
واحد تاية بيسال واحد ماشي في الشارع اقرب طريق للمستشفي ايه قاله غمض عينك و عدي الشارع
مسطول بيقول لصاحبه : يا أخى أمبارح دخلت فيلم هندى هايل بتاع راجل و ست ماشيين لقوا طفله فى اللفه خدوها و ربوها لغايه ما كبرت وفى الاخر طلعت أمهم
مرة ثلاث مساطيل راكبين عربية ففجأة العربية وقفت فواحد قال للتانى :"انزل شوف العربية مالها" فنزل مطلعش فنزل التانى يشوفه مطلعش فنزل الثالث قال لهم :"فيه إيه ؟؟" فقالوا له :"هسسسسس العجلة نايمة"
لغز محشش: قطار يمشي 60 كلم في الساعة فكم عصفور في الشجرة اذا كان الببسي ب75 قرش؟
مره واحد غنى جاب عربيه فور باى فور جديده وركنها تحت البيت وكل يوم بليل يعدى من تحت البيت واحد مسطول يلاقى مكتوب ع العربيه 4x4 يروح كاتب = 16 ينزل الراجل صاحب العربيه الصبح يضايق ويوديها الميكانيكى يروح يصلح الصاج وكذا مره تتكرر الحكايه دى فالميكانيكى اقترح على صاحب العربيه فكره انه يكتب هو = 16 بدل ما الراجل السكران يكحت الصاج فرح الراجل وعمل كده قام الراجل السكران رجع بليل لقى مكتوب ع العربيه 4×4 = 16 راح جاب حجره وعمل علامة صح
واحد محشش كان حيخبط واحدة بالعربية . قالتله انت ماشفتنيش . قالها أيوه شفتك بس مش فاكر فين؟؟
مرة اتنين مساطيل قاعدين ومعاهم مراية فواحد مسك المراية وبص فيها وقال الشكل دة مش غريب عليا راح التانى مسكها وبص فيها وقاله إيه يا عم انت مسطول ده انا
مره اتنين مساطيل بيحششوا فواحد بيقول لصاحبه شايف النمله اللي فوق الجبل رد التاني وقاله اي واحده المغمضه ولا المفتحه
نظرية مسطوول: العلم نور والنور كهربة والكهربة خطر يبقى بنتعلم لية؟!
مرة واحد حرامي راح يسرق بابا واحد مسطول و أخد الباب و طلع يجري. المسطول أعد يجري وراه، وفجأة الاتنين تعبوا، فقعد الحرامي يستريح، و التاني المسطول راح جاي عنده و قعد يخبط على الباب و هو بيقولو ...أفتح يا جبااااان،
مسطول بيقول لصاحبه : أهم خمس حاجات في الدنيا ...تلات حاجات .... الميه و الهوا
واحد مسطول الظابط قالة "اسمك اية" قالة "انا ياباشا? قالة "لا انا يا اخويا" قالة "سعيد يا باشا" قالة "سنك كام" قالة "انا يا باشا" قالة "لا انا يا اخوية" قالة "انت 42 43"
اتنين مساطيل طالعين في الأسانسير واحد بيقول التانى "هو الاسانسير بطىء كده ليه؟" قاله "يمكن طالع على السلم"
مره واحد مسطول قاعد بيحشش مع مراته لغايه ما نسيوا نفسهم وفجأه حد خبط عليهم فقامت الزوجه وقالت جوزى فقام جوزها ونط من الشباك؟؟؟؟؟؟؟؟؟؟؟؟؟؟
مرو واحد سكران ماشي في الشارع لقى واحد عنده حسنة فوق عينه قالو ياخي عين دي ولا غين
ظابط بيزعق لمواطن و بيقول له: "إنزل من ع الرصيف يا حمار!!!" المواطن قال له: "بس ماتقولش رصيف
سكران بيتمنى رمضان يبقى زى كاس العالم كل اربع سنين وكل مره فى بلد
واحد صاحب مزرعة فراخ محمل العربية فراخ و سايق وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها قمح" قالوله غرامة 100 جنيه "بتأكل الفرخ قمح والبلد مش لاقية تاكل؟؟". و هو مكمل وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها زبالة" قالوله غرامة 100 جنيه "بتأكل الفراخ زبالة عشان تسمم الناس؟". الراجل مكمل ع الطريق وقفته لجنة، الظابط سأله "محمل إيه؟" قال له فراخ، قال له "بتأكلها إيه؟" قال له "و الله يا باشا، أنا بادي لكل فرخة مصروف وهي تجيب الأكل اللي هي عايزاه

طالب جامعي مهمل بعد ما رسب في مادة 'المنطق'اجع الدكتور ..
الطالب: سيدي البروفيسور هل صحيح إنت تفهم كل شي في المنطق؟
الدكتور: طبعا أفهم وهذا هو السبب اللي ينادونني على أساسه بروفيسور
الطالب: ممكن أسألك سؤال واحد في المنطق وتجاوبني عليه؟ بس على شرط أذا ما عرفته اليوم تغير درجتي من رسوب إلى ممتاز؟
الدكتور: موافق ..
الطالب: ماهو الشيء 'القانوني لكن غير منطقي' و ماهو الشيء ' المنطقي لكن غير قانوني ' و الشيء ' الغير منطقي والغير قانوني'؟
الدكتور حاول وفكر لكن ماعرف الجواب وفي اليوم الثاني غير درجة الطالب من رسوب إلى ممتاز على حسب الإتفاق ..
وبعدها بكم يوم مر عليه أحسن طالب متميز عنده في الصف فجات في مخه فكرة إنه يسأله نفس السؤال..
قال الطالب المتميز: بسيطة يادكتور أنا أجاوبك .. حضرتك عمرك 65 سنة ومتزوج وحده عمرها 24 سنه وهذا 'قانوني لكن غير منطقي' .. وهي تخونك وتحب طالب عمره 25 سنة وهذا 'منطقي لكن غير قانوني' .. وهذا الطالب أكثر طالب مهمل في الجامعة و زوجتك تخونك معه وحضرتك عطيته درجة ممتاز وهذا 'غير قانوني وغير منطقي ' .. فهمت يا دكتور المنطق ؟؟

واحد راح سوبر ماركت فسال الراجل عندك ايس كريم بالكوسه
الراجل قاله لا
تاني يوم راح الولد السوبر ماركت وسال نفسه الراجل عندك ايس كريم بالكوسه
الراجل قاله لا
تالت يوم راح الولد السوبر ماركت وسال نفسه الراجل عندك ايس كريم بالكوسه
الراجل زهق و قاله اه
قام الواد قاله يع ايه الارف ده
----------------------------------------------------------------------------------------------------------
مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال للسكان انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته ، قالهم لأ أنا شوفت الطبق اللي بياكل فيه بس
----------------------------------------------------------------------------------------------------------
مهندس كمبيوتر، حلل دمه، طلعت فصيلته
HP

موضوع: رد: شوية نكت الأربعاء سبتمبر 23, 2009 7:07 pm

مهندس كمبيوتر، حلل دمه، طلعت فصيلته
HP
ودى فصيله جديده

موضوع: رد: شوية نكت الثلاثاء سبتمبر 29, 2009 6:44 pm

حلوة
هههههههههههههههههههههههه

» شوية صور