الــــــــبــــقـــــاء للأقـــــــــســـــــــى 4

لب المشكلة والبذرة الخبيثة اللي طلعت السلوك القاسي دا الا وهي الشح والاثرة ، والاثرة عكس الايثار ، يعني لو وضحت اكتر بمعنى النااااااااس(الا مارحم ربي منهم) بقت عايزة كووووووول حاجة بدون تعب ولا معاناة ولا تضحية، واحط 100000 خط تحت تضحية دي ، الناس عايزة صداقة واخوة بدون عناء ولا تبعات للاخوة دي عايزك في حياته ومش في حياته لو وجودك هينغص عليه بلاش منك او هيحد من طموحه يضحي مش عشانك لا يضحي بيك ،ماهو هي ايه التضحية؟ انك تتعب عشان ارتاح وتجري معايا لحد ما انا اطلع من الازمة انك تستحمل اوقات ضعفي وانهياري وتحتمل جهالاتي انك و....وانك ....وانك ...الخ
حتى في الدين ، الناس عايزة ربنا يرضى عنها وتخش الجنة ومع النبييييين والصديقين والمنازل اللي ماحدش نالها الا ببذل الدم والروح والنفس ، عايز يوصل مع دول وهو قاعد بدون اي تبعة ولا اي بذل ولا جهد وان كان يعني هيجي على نفسه ويعصر اربعتلاف لمونة ويعمل يبقى حاجة على القد كدا عشان مايتعبش برضه ماهو الدين يسر.
عايز اللي يملى قلبه قناعة انه كدا تمااااااااام ومية مية وانت بينك وبين النعيم انك بس تموت وهتشوف بقى ، عايزه اللي يقلها حجابك تمام والشياكة مطلوبة وانت ربنا راضي عنك دا كفاية انك اتبرعتي بهدومك القديمة السنة اللي فاتت يااااااااه ماحدش بيعمل كدا ، ومابتصلي التراويح وبتعيطي عايزة ايه تاني ، حطي مكياج ما الله جميل يحب الجمال واتشيكي لان الدين دين الشياكة والنظافة والاغاني مافيهاش حاجة والعلاقة بالولاد بدال مابتغلطوش خلاص و...و...الخ
انا شايف ان دي المشكلة ، الناس اتعودت او بالاصح عودوها على الكسل والدعة اي حاجة فيها تعب ولو عبيط بلاش ، لسسسه هتحط مفتاح العربية في الباب وتلفه عشان تفتح ، لا يعم خليه بالريموت وانت لسه في البيت تفتح باب العربية ، والتليفزيون بالريموت والدش ..الخ البطاطس لسه هتقشريها وتقليها........لالالالالا اشتريها متقشرة ونص سوا كمان ، وكووووووله تيك اواي ، فالناس بقت عايزة الصداقة كدا تيك اواي والدين كدا تيك اواي ، حاجة كدا تختصر الوقت وتنجز وفي نفس الوقت طعمها لذيذ ومن غير تعب وليه تدفع اكتر بدال ماممكن تدفع اقل ،
حتى الزواج بقى شريحة من الشباب لا يستهان بيها بقى تيك اواي عجبته عجبها حبتوا حبها اقطع ياعم ورقة من الكشكول ولو مش معاك خد من زميلك وهات اتنين صحابك ولو خايف من الندالة اي اتني من القهوة بعلبيتن سجاير هاتهم يمضوا ويشهدوا ومعلش هتكلف نفسك لربع جنيه تصور بطايقهم ، باااااااااااااااااس الف مبروك ياعم مبرووووووووك ياست الكل بقيتوا اجواز ، اجواز جزم طبعا .
شوفت ياعم الجواز بسيط ازاي ولا مهر ولا عفش ولاشقة ولا ابوها يتفرد ويتني عليك ولا امها تملي ابوها بالليل ويجي يسمعلك بالنهار
ولا خلفة وشغل ودوشه لالالالالالالالالالالالالالالالالالالالالالا
دي شكليات عبيطة و مخلفات من الزمن السحيق وناس دقة قديمة ونظام بقى الاسر اساس المجتمع والكلام العبيط دا .
انا متهيالي هي دي المشكلة الناس عايزة احسن حاااااااجة باقل حااااجة .
حتى في الشراء عايز ارخص حاجة وفيها كووووووول المميزات ، عايزها صيني وفي امكانيات الياباني ،
مش بقولكم الناس مش عايزة تغرم مش عايزة تضحي وفي نفس الوقت عايزة احسن حاجة ، عايز يكون راجل بدون تبعات الرجولة ولا اكتساب صفاتها عايز صديق فول اوبشن من غير ماالصداقة دي تكون لها اي ضغط في حياته ولا تبعات، عايز الجنة ورضا ربنا وراحة البال والمرافقة الانبياء وشفاعة النبي صلى الله عليه وسلم و.....و....و...الخ من غير جهد ولاتضحية ولا اي تكليف ولو واجهته بالحقيقة وحطيت عليه التكاليف االلي توصل للطموح دا يبدا يتململ لا مش كدا اكيد ربنا مش كدا والدين مش كدا ويدور على اي حد
يقولوا تعااااااالى ياحبيبي ولا تزعل نفسك ، قالك ليه الراجل الوحش دا
،قالي كلام كبير قوي ياعمو دا قالي السنة وما السنة والعلم الشرعي والاتباع والولاء والبراء والعقيدة ،والفقه والعلماء ، وكمان قالي المظهر والاتباع وقال ايه ماينفعش اتعامل مع بنات ولا اسمع اغاني ولاموسيقى والكلام دا ،
لالالالالالالالالالالالالالا ياحبيبي مين قال كدا الدين سهل ياحبيبي وربنا كريم قوي وحليم جدا والنبي صلى الله عليه وسلم كان بيهزر وبيلعب وبيحب وبيمثل برضه مع سيدنا جبريل ،
بجد والله ياعمو،
اه والله ياحبيبي ،
انا والله قلت كدا وقلبي كان حاسس اني مش وحش اوي كدا
دا اللي انا حاسه انه اساس المشكلة ولو حطيت الاصل دا في اي جانب من جوانب الحياة هتلاقيه
يجيلك واحد يشتكي
انا حاسس كذا وضميري كذا وبعيد عن ربنا وعايز اوصل
، ماشي ياعم مستعد،
رقبتي بس ربنا يرضى
تمام عايزك تعمل كذا وكذا
مممم بس انت عارف الظروف
خلاص خليهم كذا وكذا
اييييييييه لا ما انا قلتلك ان دا معاد الخياطة
مااشي خليها يوم يوم
بس انا رايح للدكتور
......................الخ
التضحية هي التضحية لازم تيجي على نفسك وترمي حاجة حتى لو مهمة بس ممكن تستغنى عنها لحاجة اهم ماينفعش تستغنى عنها.

ااااسف على الاطالة وربنا يكرمنا واياكم برضاه
ولو حد عنده راي يارييييييييييييييييييييت يفيدنا بيه

ايه الحوار الحلو الهادف الجميل الى طالع من المبدع دع
ربنا يخليك

شكرا
نحن تلاميذك
و
شكرا لردك
و
تقبل تحياتى